صحيفة نبض الشعب الاسبوعيه رئيس التحرير جعفر الخابوري

هل احمد خالد توفيق فعلا خلى الشباب تقرا ولا ده اي كلام؟


في البدايه انا هحكي لك من واقع تجربتي انا عرفت احمد خالد توفيق لاول مره كنت ساعتها مروح من الجامعه وكنت مخنوق وشايل المواد كان بعد امتحان وكنت قبلها كلمت واحد صاحبي نزلت معايا وعرفني ان هو بيقرا ان لواحد اسمه احمد خالد توفيق في الحقيقه انا ما كنتش بحب القراءه ابدا ولا كان عمري قرات اي حاجه قبل كده
كنت وقتها مش فارق معايا اي حاجه كنت عاوز اتبسط وخلاص فقررت اني افتح جوجل وادور على حاجه اقراها للكاتب ده وفاكر ان انا كتبت احمد توفيق بدل احمد خالد توفيق وطلع لي شخص ثاني المهم انا قرات له اول حاجه كانت في سلسله ما وراء الطبيعه والصراحه عجبني جدا من اول حاجه قراتها الصراحه ما كنتش بفهم الروايات وما كنتش بحب الخيال عموما ولا الرعب لكن اول حاجه قراتها له كان قصه النفاراي ولحد الان دي احسن قصه عندي مش لانها الافضل ولكن عشان دي كانت اول روايه اقراها المهم دي كانت قصه ازاي تعرفت على الكاتب احمد خالد توفيق وعاوزك تفتكر ان الصفحه هدفها مش توثيق لحياه شخص معين حدث معين ولا ناس معينين هي مجرد صفحه بنوري فيها الناس الحاجات الجميله اللي عملتها وحتى لو كان في حياتهم حاجات سيئه هكمل برده احمد خالد توفيق ليه هو شخص جميل انا كنت ساعتها في سنه اولى كليه كنت لسه مغيب ما كنتش لسه ادركت اي حاجه في الحياه المهم ان روايات احمد خالد توفيق كانت لا تخلو من ذكر علم النفس او الفلسفه كان مثلا لما يقول علي مرض نفسي معين اروح اقرا عنه وافهم اكتر.
زي ماقولت كنت لسه مأدركتش حاجه في الحياه وفي سنتين بس خلاني اقرا فكذا حاجه زي
الفسلفه
علم النفس
التاريخ
الادب والشعر
وخلاني افتح عقلي علي الثقافات والحضارات التانية وخلاني اكون واعي اكتر بتاريخي
وكمان خلاني متواضع اكتر لانه مثلا كان في سلسلة سفاري الأحداث في افريقيا ونا كنت الصراحه مش شايف انهم يستاهلو وكنت مفكر انهم لسه عايشين في تخلف وجهل لكن لما دورت علي الدول دي وبحثت اكتشفت انهم ناس زينا عادي وشاطرين في كل حاجه تقريبا وعندهم دول اقتصادها كويس نسبيا زي نيجيريا
كمان مثال علي ازاي هو غيرني.
لما بدات اروح ادور علي كتاب تانيين اكتشفت حاجه اسمها الادب الروسي ودي ناقله تانيه فحياتي لان دستويفسكي دا الشخص التاني اللي هو السبب في تغييري
وهنتكلم عليه قريب
المهم انا مش القصة الوحيده اللي تذكر لأحمد خالد توفيق
عاوز اسمع قصصكم انتو كمان.
بطلب منكم تشوفو الفديوهات اللي عملها بلال فضل عنه
هتعرفو اكتر عن جمال الشخص دا
اخر طلب انك تعمل لايك وتشير البوست لحد مهتم بالدكتور احمد خالد توفيق
#بولكرا #pulchra #احمد_خالد_توفيق
#ما_وراء_الطبيعه