صحيفة نبض الشعب الاسبوعيه رئيس التحرير جعفر الخابوري

قصتنا النهارده بتحكي عن بنت من أصول هنديه سافرت وسابت بلدها عشان تدور علي شغل اشتغلت في مطعم كانت ديما بتتعرض للتنمر من زميلها في الشغل ده غير أنهم بيوصلو لمديرها في الشغل أنها مقصره ومبتشوفش شغلها في يوم جالها الشغل راجل كان شكلو غامض شكلو يخوف وملامح وشو بتقول انو وراه سر فضل يحاول يتكلم معاها بس هيا رفضت بقي يتردد عليها في المطعم كتير كان في استغراب من زميلها في الشغل أن في حد اعجب بيها لحد ما في يوم نزلت غرفه استراحه العماله هيا ديما متعوده تنزل وقت البريك بتاعها الغرفه محدش بينزلها كتير تقريبا هيا بس نزلت وقعدت تحت خلصت الاكل وفضلت مركزه في أركان الغرفه كلها لحد ما لقت مكتب قديم فضولها دفعها أنها تروح عندو مكتب عادي جدااا

بس الي لفت انتباها أن درج المكتب مقفول حاولت أنها تدور علي المفتاح بس ملقتوش فكرت أنها تكسر الدرج كسرتو فعلا فتحت الدرج لقت صندوق شكلو غريب حاولت أنها تفتحو معرفتش الصندوق كان محفور عليه اربع أضلاع ومكتوب علي الصندوق اكمل لتكتمل خدت الصندوق معاها البيت

جابت شاكوش وكذا حاجه تساعدها أنها تفتح الصندوق وهيا بتحاول تفتحو ايديها اتعورت ونزلت نقطه دم علي الصندوق الغريب أن نقطه الدم الي نزلت علي الصندوق اختفت استغربت وجربت تعمل كده تاني

نزلت نقطه دم علي الصندوق بقصد عشان تشوف اي الي هيحصل لقت الدم بينزل علي الصندوق وكأن في فاتحه بتسرب الدم لجوه الصندوق اتخضت وسابت الصندوق ودخلت الحمام تاخد دش

بعدها خرجت لقت واحد قاعد علي السرير اترعبت وطلعت تجري من الأوضه لبره لقتيتو ظهر قدامها خافت

حاول انو يهديها وقالها متخافيش مني انا مش هأذيكي

بعد وقت كبير لحد مقدرت أنها تستوعب قالها انو جني كان محبوس في الصندوق وهيا خرجتو لما دمها نزل علي الصندوق

وهيحققلها اي حاجه بتتمناها بس شرطو أنها تقتل 4 ضحايا اتصدمت ورفضت بشده قالها انو هيسبها تفكر وهيرجعلها كمان 3 ايام عشان تقرر أنها تنفذلو الشرط ويحققلها كل الي بتحلم بي

لاما هيختفي زي مظهر مع ضغط أصحابها عليها في الشغل وتنمرهم وسوء معاملتها قررت انها توافق لما رجعت في اخر ال 3 ايام من الشغل للبيت لقيت الجني مستنيها

قالتلو انها موافقه قالها أنها لازم تعمل كده في اربع ايام ويومها الاول هيبداء دلوقتي خرجت بره البيت تدور علي الضحيه الاولي

بس الموضوع مكنش سهل كان صعب جدااا راحت عند البحر وفضلت تفكر ظهر قدامها شخص وطلب منها فلوس رفضت أنها تديلو وسابتو ومشيت

وقتها ظهر الجني وقالها أن الشخص ده مناسب جداا انو يكون الضحيه الاولي رفضت

قالت انها مش هتقدر تعمل كده بس لما قالها أن الراجل الي قدامك ده عايز الفلوس عشان هوه مدمن كحول وهياخد الفلوس ويروح لأقرب بار يشرب هناك وبعد كده يروح البيت يعتدي علي بنتو

فكرت وبعدها وافقت انها تقتل مدمن الكحول وهوه قاعد اتأكدت أن مفيش حد حوليها جابت صخره كبيره ونزلت بيها علي دماغو وقع ميت علي الارض

سابتو ومشيت فضلت اليوم كلو في البيت خايفه ومش قادره تنسا منظر الراجل وهوه علي الارض

الجني ظهرها وقالها أن كده اول ضحيه وأنها بكده تمت اول مهمه كمان طلب منها انها تروح تبص علي الصندوق

بصت علي الصندوق لقت أن ضلع من أضلاع الصندوق لونو احمر

لما سالت الجني قالها أنها هتجمع الأربع أضلاع عشان الصندوق يفتح وبكده تكون حررتو اليوم التاني راحت الشغل وقابلت الشخص الي كان عايز يكلمها عرض عليها انو يخرج معاها بس هيا رفضت

لما نزلت الاوضه بتاعت استراحه العمال ظهرها الجني وقالها أن الضحيه التانيه جت لحد عندك لي ترفضيها أقنعها أنها تقبل انها تخرج معاه وتروح معاه البيت تقتلو

عملت كده فعلا وراحت معاه قالها انو هيدخل ياخد دش دخل وفضلت تفكر هتعمل اي لقت أن احسن حاجه أنها تستناه لما يخرج من الحمام وتقتلو راحت المطبخ وجابت سكينه استنتو لما خرج ولسه هتطعنو بالسكينه شافها

مسك سن السكينه بأيدو وقالها علي فكره انا مش خايف من الموت انا اصلا نفسي ارتاح قالها انو قتل مراتو بدون قصد وهما بيتخانقو ومن وقتها وعذاب الضمير بيطاردو بعدها ساب نصل السكينه تدخل بطنو وقع علي الارض ميت

سابتو ولسه هتخرج سمعت صوت بيفتح باب الشقه جريت استخبت لقت ابن الراجل

شاب في سن المراهقه دخل الشقه شاف والدو واقع علي الارض جري علي والدو

خافت انو يصرخ والناس تتلم خرجت من المكان الي هيا مستخبيه في وراحت نحيتو بالسكينه شافها وفضل يبكي ويقولها متقتلوش

بس خلاص شيطانها غلابها ومفقتش غير وهيا بتدبحو جريت بره الشقه وراحت لبيتها فضلت تعيط طول اليوم ظهرها الجني لما شافتو فضلت تزعق وتقولو انا خلاص مش هكمل

قالها أنها خلاص وصلت لنهايه الطريق وميتفعش ترجع وعشان يقنعها قالها أن الضحيه الرابعه هوه الي هيختارها

شغل التلفزيون ظهر سياسي معروف قالها أن الشخص ده فاسد ده غير انو شرد اكتر من عيله ويتم أبناء كتير أقنعها أنها تقتلو

وقالها انو هيكون في مؤتمر صحفي بكره في الوقت الي الجني بيكلمها الباب خبط

راحت فتحت لقت ظابط شرطه سألها كام سؤال بحكم أن اصدقائها قالو في التحقيقات أن الراجل الي مات هوه وابنو اخر حد كان معاه هيا

بس بعد مقالت لظابط أنها سابتو ومشيت ومتعرفش عنو حاجه الشرطي مقتنعش بكلامها بس سابها ومشي

استنت بليل وخرجت راحت لمكان المؤتمر استنت الراجل السياسي لما خرجت مشيت وراه بالعربيه تراقبو في الوقت ده الشرطي كمان كان بيراقبها

عدو علي شريط قطر بس الشرطي ملحقهاش الحاجز نزل بعد مهيا والسياسي عدو وقفل عليه

فضلت ماشيه وراه بعد كده وقفت عربيه الراجل بعد معارضتها بعربيتها

السياسي نزل ومش فاهم حاجه طلعت السكينه من الشنطه وهجمت عليه فضل يحاول ينقذ نفسو معرفش طعنتو بالسكينه

بعد كده الشرطي ظهر بس خلاص كان السياسي مات قبض عليها

لما الشرطه حققت معاها حكتلهم القصه وعشان الكلام مش منطقي عرضوها علي دكتور امراض عقليه وبعدها دخلت المصحه

ملحوظه ( لا في جني ولا في صندوق سعات كتر الضغوطات بيخلق جوانا اوهام بنصدقها وبنأمن بيها عشان في الاخر تكون سبب أو حجه لافعالنا )